დაბა ურეკისა და შეკვეთილის 13 კილომეტრიან საგზაო მონაკვეთზე გარე განათების სისტემის მონტაჟი მიმდინარეობს. იცვლება მწყობრიდან გამოსული ბოძები, ნათურები და სადენები.
სარეაბილიტაციო სამუშაოები დღეს ოზურგეთის მუნიციპალიტეტის გამგებელმა მერაბ ჭანუყვაძემ, გამგებლის მოადგილემ – ბადრი გობრონიძემ და ოზურგეთის მუნიციპალიტეტის გამგეობის ა(ა)ი.პ. „ოზურგეთის მუნიციპალიტეტის მომსახურების ცენტრის“ დირექტორმა შალვა კონჯარიამ დაათვალიერეს.
„ ურეკი-შეკვეთილის 13 კილომეტრიან საგზაო მონაკვეთზე თავიდან ბოლომდე იცვლება ელექტრო სადენები, იდგმება დამატებითი ბოძები. პრექტის ფარგლებში იგეგმება ურეკი-შეკვეთილის შიდა უბნების გარე განათების სისტემის რეაბილიტაციაც. საერთო ჯამში დამონტაჟდება 560 ერთეული ლამპიონი. სისტემის მოწყობა რამდენიმე დღეა მიმდინარეობს და უახლოეს დღეებში დასულდება,“- აღნიშნა ოზურგეთის მუნიციპალიტეტის გამგებელმა.
გარე განათების სისტემის სარეაბილიტაციო სამუშაოებს ოზურგეთის მუნიციპალიტეტის გამგეობის ა(ა)ი.პ. „ოზურგეთის მუნიციპალიტეტის მომსახურების ცენტრი“ აწარმოებს.
პროექტის ღირებულება 173 000 ლარს შეადგენს.
0