გია ვოლსკი აცხადებს, რომ NDI -ის კვლევებში დასახელებული სოციალური პრობლემები, ნებისმიერი გამოკითხვის გარეშეც ჩანს. როგორც მან განაცხადა, მოსახლეობის სოციალური დონე საკმაოდ მძიმეა.
”NDI -ის მოყვება შლეიფი უნდობლობის. რაც შეეხება სოციალურ თემებს, ნებისმიერი გამოკითხვის გარეშე შემიძლია პირველი ხუთეული დაგისახელოთ, რომელიც ჩამოყალიბებულია და გაუუარესდა პირობები ყველას, დაწყებული სიღარიბის დონეზე მყოფი ადამიანებით, დამთავრებული შეძლებულ ადამიანებამდე, ვინც ბიზნეს აკეთებს და ექსპორტზე და იმპორტზეა დამოკიდებული. საკმაოდ გართულდა მდგომარეობა, არა მარტო საქართველოში, არამედ მსოფლიოში. ურთულესი ვითარება შეიქმნა. დასაქმების ზრდა არის, მაგრამ ეს არ არის საკმარისი – რთულმა ეკონომიკურმა მდგომარეობამ, რეგიონსა და მსოფლიოში მიმდინარე ვითარებამ შექმნა ასეთი რთული სოციალური ფონი, მათ შორის საქართველოში. საქართველოს ხელისუფლება ვერ დაამშვიდეს საზოგადოებას იმით, რომ იგივე მდგომარეობა და უფრო რთული ვითარებაა ჩვენს მეზობელ ქვეყნებში, რომელსაც მეტი რესურსი აქვს – მაგალითად უკრაინაში, რუსეთში, თურქეთშიც მძიმე ვითარებაა. მე ვიფქრობ, რომ ტენდენციები მაინც პოზიტიურია”, – განაცხადა ვოლსკიმ.
ვოლსკის თქმით, რთულია ეკონომიკური მდგომარეობაც.
”ვიცით, რომ ცუდი შედეგები მოიტანა ვალუტის კურსის ცვლილებამ. მართალია, ვერ მოახდინა ფასებზე დამანგრეველი დარტყმა, როგორც სხვა ქვეყნებში, მაგრამ რეალურად არის ნეგატიური ტენდენციები, რომელიც ახასიათებს ეკონომიკას”, – განაცხადა ვოლსკიმ.
0