გარემოს დაცვისა და სოფლის მეურნეობის მინისტრის მოადგილემ, იური ნოზაძემ და სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ კარტოფილის საერთაშორისო ცენტრის (CIP) რესურსების მობილიზაციის დირექტორთან, პიეტრო ტურილთან გამართულ შეხვედრაზე კარტოფილის საერთაშორისო ცენტრსა და სოფლის მეურნეობის სამეცნიერო-კვლევით ცენტრს შორის არსებული თანამშრომლობისა და ერთობლივი პროექტის საკითხებზე იმსჯელეს.
„ჩვენ ქვეყანას აქვს პოტენციალი კარტოფილით არამხოლოდ ადგილობრივი ბაზრის მოთხოვნა დააკმაყოფილოს, არამედ ექსპორტზეც გაიტანოს. ეს პოტენციალი მაქსიმალურად უნდა გამოვიყენოთ. სფეროში გვაქვს გამოწვევები, როგორიცაა ფერმერების ცოდნის დონის გაზრდა და კვალიფიციური კადრების მომზადება; სწორედ ამიტომ, კარტოფილის საერთაშორისო ცენტრთან თანამშრომლობა და მათი გამოცდილების გაზიარება მნიშვნელოვანია და აუცილებელია“, – განაცხადა იური ნოზაძემ.
0