ბოლნისის მუნიციპალიტეტის მერი, დავით შერაზადიშვილი, ნორვეგიის ადგილობრივ და რეგიონულ ხელისუფლებათა ასოციაციის მიწვევით, საქართველოს ადგილობრივ თვითმმართველობათა ეროვნული ასოციაციის (NALAG) და გურიის, კახეთისა და მცხეთა-მთიანეთის მუნიციპალიტეტების, ასევე საქართველოს პარლამენტისა და რეგიონული განვითარებისა და ინფრასტრუქტურის სამინისტროს წარმომადგენლებთან ერთად,ოფიციალური ვიზიტით ნორვეგიის სამეფოში იმყოფებოდა.
დელეგაციის წევრები ნორვეგიის ადგილობრივ და რეგიონულ ხელისუფლებათა ასოციაციის საერთაშორისო პროექტების მრჩეველს – ბიორნ რანგევაერს, საქართველოს საგანგებო და სრულუფლებიან ელჩს ნორვეგიაში – მაია ყიფშიძეს, ასევე ნორვეგიის ადგილობრივი თვითმმართველობის და მოდერნიზაციის სამინისტროს, პარლამენტის თვითმმართველობის კომიტეტისა და ნორვეგიის მუნიციპალიტეტების წარმომადგენლებს შეხვდნენ და სხვადასხვა სფეროებში საქართველოსა და ნორვეგიის თანამშრომლობის გაღრმავების გზებზე იმსჯელეს.
0