მარტვილის მუნიციპალიტეტის მერმა ალექსანდრე გრიგალავამ ნახუნაოს ადმინისტრაციულ ერთეულში გზის ასფალტობეტონის საფარით რეაბილიტაციის სამუშაოები დაათვალიერა. პროექტის ფარგლებში დაიგება 3 357 მეტრი ასფალტობეტონის საფარი. პროექტი ასევე ითვალისწინებს სავალ ნაწილზე და ეზოების მისასვლელებთან წყალსაწრეტი მილების, რკინა–ბეტონის და ბუნებრივი კიუვეტების მოწყობას. პროექტის ღირებულება 879 909 ლარს შეადგენს. სამშენებლო სამუშაოებს შპს „ინდიკო“ ასრულებს. ნახუნაოს ადმინისტრაციულ ერთეულში გზის ასფალტობეტონის საფარით რეაბილიტაციის სამუშაოები საქართველოს რეგიონებში განსახორციელებელი პროექტების ფონდისა და ადგილობრივი მუნიციპალიტეტის დაფინანსებით ხორციელდება.
სამუშაოები მიმდინარე წლის აპრილის თვეში დასრულდება.
0