“ქართული ოცნება-დემოკრატიული საქართველოს“ ვანისა და ხონის მაჟორიტარი დეპუტატობის კანდიდატი გივი ჭიჭინაძე პედაგოგებს შეხვდა. კანდიდატმა შეხვედრაზე განათლების სფეროში განხორციელებულ პროექტებზე, სიახლეებსა და რეფორმებზე ისაუბრა. ასევე, მასწავლებლებისგან მოისმინა ყველა ის საკითხი, რომელიც მათთვის აქტუალურია.
გივი ჭიჭინაძემ საჯარო სკოლებში ინფრასტრუქტურის მოწესრიგებაზეც გაამახვილა ყურადღება და ამ კუთხით სკოლების ხელმძღვანელებს გვერდით დგომას დაპირდა. ბოლო ორი წლის განმავლობაში ხონის მუნიციპალიტეტში რეაბილიტაცია ჩაუტარდა 6 საჯარო სკოლას, რომლის ღირებულებამ 856 332 ლარი შეადგინა.
შეხვედრას სასპორტო სკოლის პედაგოგებიც დაესწრნენ და მათ მაჟორიტარობის კანდიდატს ინფრასტრუქტურის მოსაწესრიგებლად ჩატარებული სამუშაოებისთვის მადლობა გადაუხადეს. ხონის მუნიციპალიტეტში არსებულ სასპორტო სკოლასა და სპორტულ კომპლექს სრული რეაბილიტაცია გივი ჭიჭინაძის იმერეთის გუბერნატორობის პერიოდში ჩაუტარდა.
0