საქართველოს პრეზიდენტმა საქართველოში თურქეთის ელჩთან ლევენთ გუმრუქჩუსთან გამოსამშვიდობებელი შეხვედრა გამართა
შეხვედრისას მხარეებმა საქართველო-თურქეთის ურთიერთობა და ქვეყნებს შორის აქტიური ეკონომიკური და პოლიტიკური თანამშრომლობის კიდევ უფრო განვითარების მნიშვნელობა განიხილეს. საუბარი, ასევე შეეხო საქართველოს ჩრდილოატლანტიკურ ალიანსში ინტეგრაციის შემდგომ პროცესს.
საქართველოს პრეზიდენტმა მადლობა გადაუხადა თურქ დიპლომატს საქართველოსა და თურქეთის ურთიერთობის განვითარებაში შეტანილი წვლილისთვის და მას მომავალ საქმიანობაში წარმატება უსურვა.
0