ძველი ბათუმის ადმინისტრაციულ ერთეულში, ქუთაისის #27-ში მდებარე საცხოვრებელი სახლის სახურავზე წყალშემკრები ღარებისა და წყალსაწრეტი მილების შეცვლა მიმდინარეობს. ამ დროისთვის წყალშემკრები ღარებისა და მილების შეკეთება, შეცვლა და მონტაჟი 12 მისამართზე განხორციელდა. აღნიშნული სამუშაოების ჩატარება კიდევ 8 საცხოვრებელ კორპუსზეა დაგეგმილი. სამუშაოებს, რომელიც ,,ბინათმესაკუთრეთა ამხანაგობების განვითარების ხელშეწყობის” მუნიციპალური პროგრამის ფარგლებში ხორციელდება, ა(ა)იპ ,,ბათუმის კორპუსი“ ასრულებს. მიმდინარე სამუშაოებს დღეს ა(ა)იპ ,,ბათუმის კორპუსის“ დირექტორი ზურაბ ნაკაიძე გაეცნო.
0