Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.
დღეს ქალაქ მცხეთაში, მთავრობის ადმინისტრაციის ორგანიზებით, ყოველწლიური ღვინის ფესტივალი „ღვინის დღეები“ ტარდება. ღონისძიების ფარგლებში, თეატრონის მიმდებარე ტერიტორიაზე, 14:00 საათიდან სხვადასხვა სახის აქტივობა იმართება. მათ შორის მიმდინარეობს ქართული ღვინის დეგუსტაცია და გამოფენა-გაყიდვა, ღვინით ხატვა, მოწვეული შეფ-მზარეულის, რუსო დაუშვილის კერძების დეგუსტაცია, ღვინის კოქტეილების დეგუსტაცია და
ექსკურსიები მცხეთის მარნებში. ასევე, მოწყობილია ადგილობრივი კულინარების ეთნო-სამზარეულო და საგამოფენო სივრცე – „საქართველო ღვინის სამშობლო“. ღონისძიებას მუსიკალურად აფორმებს Dj Levi Love Disco. საღამო „თბილისური კვარტეტისა“ და ჯგუფ „მიქსტურას“ კონცერტით დასრულდება. შემოგვიერთდით, ერთად აღვნიშნოთ ღვინის დღეები ღვინის სამშობლოში.
0