შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა, ადამიანის უფლებათა საკითხებში პრემიერ-მინისტრის მრჩეველთან ლელა აქიაშვილთან, მცხეთა-მთიანეთის სახელმწიფო რწმუნებულთან შალვა კერესელიძესთან და დუშეთის მუნიციპალიტეტის მერთან ზურაბ სეხნიაშვილთან ერთად, სოფელ ოძისში მცხოვრებ მრავალშვილიან, სოციალურად შეჭირვებულ ოჯახებს სასურსათო პროდუქტითა და პირველადი მოხმარების ნივთებით დაკომპლექტებული პაკეტები გადასცა. ხელისუფლების წარმომადგენლები ადგილობრივებს გაესაუბრნენ და მათთვის პრიორიტეტულ საკითხებსაც გაეცნენ. სოციალური პროექტი გაეროს ბავშვთა ფონდის (UNICEF) ფინანსური მხარდაჭერით ხორციელდება. პროექტის ფარგლებში დახმარების პაკეტს დუშეთის მუნიციპალიტეტში, გამყოფ ხაზთან მდებარე სოფლებში მცხოვრები მრავალშვილიანი, სოციალურად დაუცველი ოჯახები მიიღებენ.
0