პარლამენტის ბიუროს სხდომაზე დეპუტატებმა მიმდინარე სასესიო კვირის პლენარული სხდომების დღის წესრიგი განსაზღვრეს. 28 ნოემბრის პლენარულ სხდომაზე, „მინისტრის საათის“ ფარგლებში, პარლამენტის წევრები განათლებისა და მეცნიერების მინისტრს, გიორგი ამილახვარს მოუსმენენ. აღნიშნულთან დაკავშირებით ინფორმაცია ბიუროს წევრებს პარლამენტის თავმჯდომარემ შალვა პაპუაშვილმა გააცნო. ბიუროს წევრებმა ახალ საკანონმდებლო ინიციატივებზე იმსჯელეს და სავალდებულო და წამყვანი კომიტეტები განსაზღვრეს.
0