მინისტრი სპორტსკოლაში არსებულ საჭიროებებს გაეცნო

Доступно только по Грузински For the sake of viewer convenience, the content is shown below in the alternative language. You may click the link to switch the active language.

საქართველოს კულტურის, სპორტისა და ახალგაზრდობის მინისტრმა თეა წულუკიანმა გურიაში სახელმწიფო რწმუნებულთან გიორგი ურუშაძესთან და ჩოხატაურის მერთან დავით შარაშიძესთან ერთად, ჩოხატაურში ა(ა)იპ სპორტისა და სპორტულ ღონისძიებათა ორგანიზების ცენტრი დათვალიერა. მინისტრი სპორტსკოლაში არსებულ საჭიროებებს გაეცნო. ა(ა)იპ სპორტისა და სპორტულ ღონისძიებათა ორგანიზების ცენტრს განვითარების განსაკუთრებული შესაძლებლობები აქვს, რადგან სპორტის სხვადასხვა სახეობისათვის მულტიფუნქციური სივრცეების მოწყობის საშუალებას იძლევა. ჩოხატაურის სპორტსკოლაში 9 სპორტული წრეა და 300-მდე ახალგაზრდა სპორტის სხვადასხვა სახეობას სწავლობს.