ჯანდაცვის სამინისტრო სააფთიაქო ნარკომანიის აღმოსაფხვრელად საკუთარ გეგმებს საზოგადოებას 1-ელ აგვისტოს გააცნობს -განაცხადა ჯანდაცვის მინისტრმა დავით სერგეენკომ. მისი თქმით, არსებობდა სისტემური პრობლემა, როცა ნებისმიერ ადამიანს, ნებისმიერ აფთიაქში შეეძლო შეძინა ნებისმიერი წამალი, არ ჰქონდა მნიშვნელობა რომელი ჯგუფის იქნებოდა, გარდა ნარკოტიკებისა, და ეს ხდებოდა მთელი ქვეყნის მასშტაბით.
დავით სერგეენკოს თქმით, ამ მიმართულებით განხორციელდა მთელი რიგი ცვლილებები, მათ შორის რეცეპტების აღდგენა.
”ეს მტკივნეული პროცესი იყო მოსახლეობის გარკვეული ნაწილისთვის, თუმცა ამოცანა შევასრულეთ და რა შედეგი მოგვცა, ვნახეთ. თუკი ეს იყო სისტემური პრობლემა, გადაიქცა ერთეულოვან პრობლემად. ორშაბათს ალბათ გვექნება საშუალება სამინისტრომ უფრო ნათლად და მკაფიოდ ჩამოაყალიბოს მოქმედების გეგმა ამ მიმართულებით. დღეის მდგომარეობით, საქართველოში 20-დან 25-მდე აფთიაქია, სადაც ასეთი არაკეთილსინდისიერი საქმიანობის რეციდივები შეინიშნება”, – განაცხადა სერგეენკომ და განმარტა, რომ აღნიშნული აფთიაქები თავის პასუხს მიიღებენ.
0