ქვემო ქართლში სახელმწიფო რწმუნებულის-გუბერნატორის ადმინისტრაციაში საკონსულტაციო საბჭოს მორიგი სხდომა გაიმართა, რომელსაც ბოლნისის მუნიციპალიტეტის მერი დავით შერაზადიშვილი და მუნიციპალიტეტის საკრებულოს თავმჯდომარე თამაზ ჟორჟოლიანი ესწრებოდნენ. მხარის გუბერნატორმა, გრიგოლ ნემსაძემ საბჭოს წევრებთან ერთად, რეგიონის მასშტაბით მიმდინარე და დაგეგმილი ინფრასტრუქტურული პროექტები განიხილა და სფეროში არსებულ საჭიროებებზე ისაუბრა.
შეიქმნა სამუშაო ჯგუფი, რომელის შემადგენლობაში გუბერნიისა და მუნიციპალიტეტების წარმომადგენლები არიან. ჯგუფის წევრები, ვიცე-გუბერნატორის, ალექსანდრე მეტრეველის ხელმძღვანელობით, ქვემო ქართლში განსახორციელებელ ინფრასტრუქტურულ პროექტებზე იმსჯელებენ და აქტიურად მიიღებენ მონაწილეობას პრიორიტეტების განსაზღვრის პროცესში.
სხდომის მიმდინარეობისას, საუბარი შეეხო მიუსაფარ ცხოველთა რეგიონული თავშესაფარის შექმნის საკითხს. დაისახა კონკრეტულად განსახორციელებელი გეგმები, რომელიც პირველ ეტაპზე მუნიციპალიტეტებში მონიტორინგის განხორციელებას ითვალისწინებს.
0