სახელმწიფო საკონსტიტუციო კომისიის – საქართველოს პრეზიდენტის, საქართველოს მთავრობისა და თავდაცვის საკითხთა სამუშაო ჯგუფი მესამე შეხვედრას მართვას. პარლამენტის თავმჯდომარის, ირაკლი კობახიძის განცხადებით, რომელიც საკონსტიტუციო კომისიას ხელმძღვანელობს, დღეს, სამუშაო ჯგუფი საქართველოს მთავრობასა და თავდაცვის საკითხებთან დაკავშირებულ კონსტიტუციის თავებზე იმსჯელებს. სახელმწიფო საკონსტიტუციო კომისიის საქართველოს პრეზიდენტის, საქართველოს მთავრობისა და თავდაცვის საკითხთა სამუშაო ჯგუფი საქართველოს კონსტიტუციის მეოთხე, მეოთხე1 და მეშვიდე თავებთან დაკავშირებულ ცვლილებებზე მუშაობს. კონსტიტუციის მეოთხე თავზე, რომელიც პრეზიდენტის კომპეტენციების საკითხებს არეგულირებს, სამუშაო ჯგუფმა გუშინ იმსჯელა. საქართველოს კონსტიტუციის გადასინჯვის მიზნით, სახელმწიფო საკონსტიტუციო კომისია 15 დეკემბერს შეიქმნა, რომლის ფარგლებში ოთხი თემატური სამუშაო ჯგუფი მუშაობს. კომისიამ საქართველოს კონსტიტუციის გადასინჯვის კანონპროექტი 2017 წლის 30 აპრილამდე უნდა შეიმუშაოს.
0