საქართველოს პრეზიდენტის ადმინისტრაციის წარმომადგენლებმა არჩილ ტატუნაშვილის ხსოვნას პატივი მიაგეს

საქართველოს პრეზიდენტის სახელით, ადმინისტრაციის უფროსმა ნათია სულავამ და თავდაცვისა და უსაფრთხოების საკითხებში პრეზიდენტის მრჩეველმა გელა გიორგაძემ მუხათგვერდის ძმათა სასაფლაოზე საოკუპაციო რეჟიმის მიერ მოკლული არჩილ ტატუნაშვილის საფლავი გვირგვინით შეამკეს. როგორც პრეზიდენტმა დღეს “ტვიტერით” გაკეთებულ განცხადებაში აღნიშნა, “ორი წლის წინ საოკუპაციო რეჟიმმა მოკლა არჩილ ტატუნაშვილი. დღეს ჩვენ ამ ტრაგიკულ დღეს ვიხსენებთ. ჩვენი ერის იმედები მიმართულია გაერთიანებული საქართველოს მომავლისკენ, სადაც მსგავსი ტრაგედია აღარასდროს მოხდება.”