სამცხე-ჯავახეთის სამხარეო ადმინისტრაციაში საკონსულტაციო საბჭოს სხდომა გაიმართა. სხდომას მხარის რწმუნებული ბესიკ ამირანაშვილი ხელმძღვანელობდა. საბჭოზე განიხილეს სამცხე-ჯავახეთის სტრატეგიის სამოქმედო გეგმით გათვალისწინებული საკითხები, კერძოდ 2020 წელს რეგიონებში განსახორციელებელი პროექტების ფონდიდან დაფინანსების მოთხოვნის საკითხი და პროცედურა. თითოეულმა მუნიციპალიტეტმა დეტალურად იმსჯელა იმ საპროექტო წინადადებებზე, რომლებსაც ისინი სამთავრობო კომისიას წარუდგენენ. პროექტებში გათვალისწინებულია მოსახლეობასთან შეხვედრებისას წამოჭრილი საჭიროებები. სხდომას სამცხე-ჯავახეთის სახელმწიფო რწმუნებული ბესიკ ამირანაშვილი, რწმუნებულის მოადგილეები შალვა ბერძენიშვილი და შოთა როსტიაშვილი, რეგიონული პროექტების კოორდინირების სამსახურის ხელმძღვანელი მარინა გაჩეჩილაძე, რწმუნებულის აპარატის ხელმძღვანელი გიორგი მიქელაძე, ექვსივე მუნიციპალიტეტის მერები,საკრებულოს თავმჯდომარეები და მათი მოადგილეები ესწრებოდნენ.
0