გაერო-ს გენერალური მდივანი პან გი მუნი აცხადებს, რომ ორგანიზაციის მშვიდობისმყოფელების მიერ სექსუალური ძალადობისა და ექსპლუატაციის შემთხვევების დასრულების მიზნით, საჭიროა “გადამწყვეტი და თამამი ქმედებები”. ამის შესახებ Voice of America წერს.
გაერო-ს უშიშროების საბჭოში სიტყვით გამოსვლისას, პან გი მუნმა ასევე განაცხადა, რომ მხოლოდ გასულ წელს მშვიდობისმყოფელების წინააღმდეგ 69 მსგავსი ბრალდება დაფიქსირდა, რაც გაერო-ს მიმართ ნდობას საფრთხეს უქმნის.
“ეს ღალატობს გაერო-ს იმ ღირებულებებსა და პრიციპებს, რაც უნდა განვავითაროთ, და აზიანებს ორგანიზაციის სამშვიდობო მისიებისა და მთლიანად გაერო-ს მიმართ სანდოობას”, – განაცხადა გენერალურმა მდივანმა.
გაერო-ს მისიაში მონაწილე სამხედროები ცენტრალური აფრიკის რესპუბლიკაში არასრულწლოვნების მიმართ სექსუალურ ძალადობაში არაერთხელ დაადანაშაულეს. ერთ-ერთი ბოლო ინფორმაცია თებერვლის დასაწყისში გავრცელდა, რომლის თანახმადაც, გაერო-ს ცნობით, არასრულწლოვნებზე ძალადობაში ქართველ და ფრანგ სამხედროებსაც ადანაშაულებდნენ.
0