ონში დაკარგული ახალგაზრდა მამაკაცის სამძებრო სამუშაოები გრძელდება. შოთა სამხარაძე, რომელიც კურორტ შოვში თოვლის ფესტივალზე იმყოფებოდა, 12 იანვარს გაუჩინარდა.
დღეს მხარის სახელმწიფო რწმუნებული არსებულ ვითარებას ადგილზე გაეცნო. არჩილ ჯაფარიძე რაჭა-ლეჩხუმისა და ქვემო სვანეთის საგანგებო სიტუაციების მართვის სამსახურის მაშველებსა და დაკარგულის ახლობლებს შეხვდა.
სამძებრო სამუშაოები მიმდინარეობს როგორც კურორტ შოვის, ასევე მის მიმდებარე ტერიტორიებზე, რომელშიც შესაბამის უწყებებთან ერთად ადგილობრივი მოსახლეობაც ჩართულია.
0