ევროპასთან ინტეგრაციის კომიტეტის თავმჯდომარე მაკა ბოჭორიშვილი გერმანიის ფედერაციული რესპუბლიკის ეკონომიკისა და კლიმატის ფედერალური სამინისტროს სახელმწიფო მდივანს სვენ გიგოლდს შეხვდა. მხარეებმა ისაუბრეს საქართველოსა და გერმანიას შორის ურთიერთობებზე, საქართველოს ევროკავშირში ინტეგრაციის გზაზე გერმანიის მხარდაჭერაზე, ქვეყნის საგარეო პოლიტიკურ პრიორიტეტებზე და მოლოდინებზე, საქართველო- ევროკავშირს შორის ურთიერთობებზე, პოლიტიკური დიალოგის და ეკონომიკური ურთიერთობების გაძლიერების აქტიურ მნიშვნელობაზე. სხვა საკითხებთან ერთად, საუბარი შეეხო საქართველოში მიმდინარე პოლიტიკურ მოვლენებს და საქართველო-ევროკავშირს შორის ურთიერთობების მნიშვნელოვან საკითხებს.
0