საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი გერმანიის რეკონსტრუქციისა და განვითარების ბანკის (KfW) ფრანკფურტის ოფისის ინფრასტრუქტურული პროექტების ჯგუფის ხელმძღვანელს მარიონ კნეშს შეხვდა. რეგიონული განვითარებისა და ინფრასტრუქტურის სამინისტრო KfW-თან თანამშრომლობით სხვადასხვა პროექტს ახორციელებს, მათ შორის – მყარი ნარჩენების მართვის სექტორში, ტურისტული და კომუნალური ინფრასტრუქტურის მიმართულებებით. შეხვედრაზე მხარეებმა მიმდინარე პროექტებთან დაკავშირებული საკითხები განიხილეს. დაიგეგმა თანამშრომლობა წყალმომარაგებისა და სხვა სფეროებში.
0