„თბილისის აქვს უდიდესი პოტენციალი, რომ იყოს ევროპის ერთ-ერთი ყველაზე მწვანე ქალაქი“ – კახა კალაძე
კახა კალაძე თბილისის ზღვის მიმდებარედ არსებული დენდროლოგიური პარკის რეკონსტრუქციის ინიციატივით გამოდის: „აქ შესაძლებელია მოეწყოს ოჯახური დასვენების უზარმაზარი სივრცე. თბილისელებს შეეძლებათ მოვიდნენ ამ პარკში, რომელიც მათი კომფორტული დასვენებისთვის შესაბამისად იქნება მოწყობილი, აქ იქნება სპორტისთვის განკუთვნილი ადგილები, სარბენი თუ ველობილიკები, ასევე, აუცილებელია საპიკნიკე ზონების და სასეირნო სივრცეების მოწყობა. ამ პარკის რეკონსტრუქცია სიცოცხლით გაავსებს არა მარტო მიმდებარე უბნებს, არამედ მთელ ქალაქს. თბილისს აქვს უდიდესი პოტენციალი, იყოს ევროპის ერთ-ერთი ყველაზე მწვანე ქალაქი. მე მჯერა, რომ ჩვენ ამას ერთად შევძლებთ და მოვახერხებთ. მჯერა, რომ თბილისი ძალიან მალე იქნება სიცოცხლით სავსე ქალაქი“.
0