ა(ა)იპ „დუშეთის მუნიციპალიტეტის სასპორტო გაერთიანების“ ორგანიზებითა და რაგბის კავშირის მხარდაჭერით, ქ. დუშეთში 300 არაგველის ხსოვნისადმი მიძღვნილი სარაგბო ფესტივალი ჩატარდა. გაიმართა ახლადშექმნილი სარაგბო კლუბის „არაგველების“ პრეზენტაცია და ასევე, ჩატარდა საჩვენებლი მატჩი 15 წლამდე ასაკის მორაგბეებს შორის. დუშეთის მუნიციპალიტეტის მერი მანანა (მაცაცო) ნარიმანიძე აღნიშნულ მატჩს რაგბის კავშირის გამგეობის თავმჯდომარესთან დავით კაჭარავასთან, საკრებულოს სოციალურ საკითხთა კომისიის თავმჯდომარესთან გიორგი ასლამაზიშვილთან და სპორტული გაერთიანების თანამშრომლებთან ერთად დაესწრო. მატჩის შემდეგ დაიგეგმა აღნიშნული სპორტის სახეობისა და ჯანსაღი ცხოვრების წესის მხარდამჭერი სხვადასხვა ღონისძიებები მუნიციპალიტეტის ტერიტორიაზე და საერთო შეხვედრა ყველა იმ მწვრთნელთან თუ პედაგოგთან, ვინც ამ სფეროში მოღვაწეობს.
0