მუნიციპალიტეტისთვის დელეგირებული უფლებამოსილების განსახორციელებლად, სათანადო მატერიალური და ფინანსური რესურსების ოდენობის გაანგარიშების წესი მომზადდა. აღნიშნულიდან გამომდინარე საქართველოს ორგანული კანონის „ადგილობრივი თვითმმართველობის კოდექსი“ მე-17 მუხლს 21 პუნქტი დაემატა. კოდექსში შესატანი ცვლილებები რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა პირველი მოსმენით წარადგინა. მისი განცხადებით, კანონპროექტი პირდაპირ კავშირშია საქართველოს მთავრობის 2019 წლის 31 დეკემბრის №678 დადგენილებით დამტკიცებულ დეცენტრალიზაციის 2020–2025 წლების სტრატეგიასა და დეცენტრალიზაციის სტრატეგიის განხორციელების შესაბამის სამოქმედო გეგმასთან. კოდექსში ცვლილებების შეტანის კანონპროექტი პარლამენტმა 82 ხმით, პირველი მოსმენით მიიღო.
0