დაფინანსების პროგრამა რეგიონის განვითარებას მნიშვნელოვნად შეუწყობს ხელს

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

რეგიონებისთვის ინფრასტრუქტურული პროექტების განსახორციელებლად დამატებითი თანხა გამოიყო. ცენტრალური ბიუჯეტიდან რეგიონში განსახორციელებელი პროექტების ფონდიდან, თითოეულ მუნიციპალიტეტს დამატებით 2 650 000 ლარი გადაეცემა. ქვემო ქართლში სახელმწიფო რწმუნებულმა, გიორგი დოხტურიშვილმა მოადგილეებთან ერთად, რეგიონის მერებთან სამუშაო შეხვედრა რწმუნებულის ადმინისტრაციაში გამართა. შეხვედრის ფარგლებში სახელმწიფო რწმუნებულმა მოადგილეებთან და მუნიციპალიტეტის მერებთან ერთად განიხილა ყველა ის იფრასტრუქტურული პროექტი, რომელიც გამოყოფილი თანხით დაფინანსდება.

“დაფინანსების პროგრამა რეგიონის განვითარებას მნიშვნელოვნად შეუწყობს ხელს, რაც მუნიციპალიტეტებში უკეთესი ინფრასტრუქტურის შექმნას და ადგილობრივი მოსახლეობისთვის მეტი შესაძლებლობების მიცემას გულისხმობს.
რეგიონის მუნიციპალიტეტის მერებთან სამუშაო შეხვედრაზე ვისაუბრეთ მიმდინარე და დაგეგმილ პროექტებზე, განვიხილეთ თითოეული პროექტის მნიშვნელობა და გამოვყავით მხარისთვის ის პრიორიტეტული ინფრასტრუქტურული პროექტები, რომლებიც ცენტრალური ბიუჯეტიდან რეგიონში განსახორციელებელი პროექტების ფონდიდან დაფინანსდა“ – გიორგი დოხტურიშვილი.