დაბა ასპინძაში შიდა გზების კეთილმოწყობა გრძელდება. სამშენებლო სამუშაოები ამ დროისთვის აქტიურად მიმდინარეობს ფიროსმანის, არაყიშვილის, ერკოტის ქუჩებსა და „ერეკლეს ნახიდარიდან“ ვარძიის ქუჩამდე არსებულ მონაკვეთზე. პროექტის ფარგლებში ასფალტ ბეტონის საფარი 2 კილომეტრამდე სიგრძის გზაზე მოეწყობა. საგზაო ინფრასტრუქტურული სამუშაოები რეგიონული პროექტების ფონდიდან და ადგილობრივი ბიუჯეტიდან 380 ათასი ლარით ფინანსდება.
ჯამში მიმდინარე წლის განმავლობაში ასპინძის მუნიციპალიტეტში 7 მასშტაბური საგზაო ინფრასტრუქტურული პროექტი ხორციელდება, შედეგად კი 14 კილომეტრამდე სიგრძის გზა მოწესრიგდება.
სამუშაოების მიმდინარეობის პროცესს სამცხე-ჯავახეთის გუბერნატორი აკაკი მაჭუტაძე, ასპინძის მუნიციპალიტეტის გამგეობისა და სამშენებლო კომპანიის წარმომადგენლებთან ერთად ადგილზე გაეცნო.
0