აჭარაში კიდევ ერთი მრავალნომრიანი ხუთვარსკვლავიანი სასტუმროს მშენებლობას დაიწყო. სამთო-სათხილამურო კურორტ „გოდერძზე’’ საძირკველი ჩაეყარა დასასვენებელი კომპლექსის „ალიანს რეზორტის“ მშენებლობას. საძირკველში სიმბოლური კაფსულა აჭარის მთავრობის თავმჯდომარემ არჩილ ხაბაძემ, რეგიონის ფინანსთა და ეკონომიკის მინისტრმა დავით ბალაძემ, მთის კურორტების განვითარების კომპანიის დირექტორმა სანდრო ონოფრიშვილმა „ალიანს ჯგუგის“ მართველი პარტნიორი გიორგი ბიწაძესთან ერთად ჩააგდეს. მშენებლობის დაწყებით საზაფხულო სეზონი ოფიციალურად გაიხსნა.სასტუმროს მშენებლობა 24 თვეში დასრულდება. 100 ნომრიანი „ალიანს რეზორტი“ 3 120 კვ.მ ტერიტორიაზე აშენდება და ერთდროულად 250-მდე დამსვენებლის მიღებას შეძლებს. პროეტში დასაქმდება 100 ადამიანი, რომელიც დაკომპლექტებულია ადგილობრივი მოსახლეობით.
ორ წელიწადში გოდერძზე იქნება ევროპული სტანდარტების კურორტი. ამას აქვს ძალიან დიდი მნიშვნელობა აჭარისათვის. რეგიონში ტურიზმის განვითარებისათვის, ადგილობრივების დასაქმებისათვის. -განაცხადა არჩილ ხაბაძემ სასტუმრო კომპლექსის საძირკველის ჩაყრის შემდგომ. გოდერძის ტერიტორიაზე მოეწყო საბანაკე ტერიტორია, სადაც ტურისტები შეძლებენ დაბანაკებას, როგორც საკუთარი ასევე ადგილზე ნაქირავები კარვებით. ბანაკიდან შესაძლებელია გასვლა სხვადასხვა საფეხმავლო მარშრუტებზე, როგორიც არის: ხიხანის ციხე, მწვანე ტბა, გაქვავებული ტყე , ბეშუმი და სხვა.კომპლექსში იგეგმება თანამედროვე ინფრასტრუქტურის განვითარება: საცურაო აუზი, ტენისის კორტები, ბავშვთა გასართობი ცენტრი, ბარი, რესტორანი, გამაჯანსაღებელი კომპლექსი, კაზინო, საკონფერენციო დარბაზი, მიწისქვეშა და მიწისზედა ავტოსადგომი და სხვა. „ალიანს რეზორტი“ საერთაშორისო ხარისხისა და სტანდარტების შესაბამისად იქნება აშენებული.
0