საქართველოს პარლამენტის თავმჯდომარე, არჩილ თალაკვაძე სომხეთის რესპუბლიკის საგანგებო და სრულუფლებიან ელჩს, რუბენ სადოიანს შეხვდა. შეხვედრაზე ორმხრივი ურთიერთობები და საპარლამენტთაშორისო თანამშრომლობის დღის წესრიგი განიხილეს. საუბრის ერთ-ერთი მთავარი თემა სომხეთის პარლამენტის საქართველოს პარლამენტთან მეგობრობის ჯგუფის მიერ უახლოეს მომავალში დაგეგმილი ვიზიტი იყო. ამ კონტექსტში, ხაზი გაესვა გაცვლითი ვიზიტებისა და საპარლამენტო მეგობრობის ჯგუფების კავშირების ინტენსიფიკაციის მნიშვნელობას.
0