თელავის მუნიციპალიტეტის გამგეობის კულტურის, ძეგლთა დაცვის, განათლების, სპორტის და ახალგაზრდულ საქმეთა სამსახურის ორგანიზებით ნაფარეულის საჯარო სკოლაში, ანიმაციური ფილმის შექმნასთან დაკავშირებით ვორკშოპი გაიმართა.სკოლის მოსწავლეებთან ანიმაციური ფილმის შექმნაზე ანიმაციური განვითარების ფონდის ხელმძღვანელმა – ზურაბ დიასამიძემ ისაუბრა.
ღონისძიებას კულტურის, განათლების და ძეგლთა დაცვის განყოფილების უფროსი – მაია დათუნაშვილი და ნაფარეულის მაჟორიტარი დეპუტატი – მაია ნაცვლიშვილი ესწრებოდნენ.
როგორც ჩვენთან საუბრისას მაია დათუნაშვილმა აღნიშნა ” დღეს,მოსწავლეებმა მიიღეს ინფორმაცია ანიმაციური ფილმების შექმნასთან დაკავშირებით. მოგახსენებთ, რომ ახალგაზრდები შექმნიან ფილმს,რომელიც 17 მაისს,სოფელ კისისხევის კულტურის სახლში ანიმაციური ფილმების ფესტივალზე სხვა ანიმაციურ ფილმებთან ერთად იქნება ნაჩვენები “.
0