გზის კეთილმოწყობის სამუშაოებს ქალაქ ხონში, დავით კაკაბაძის ქუჩასა და ჭანტურიას 1 შესახვევში (ფოსტის შენობის უკან არსებული ქუჩა) ადგილობრივი ხელისუფლების წარმომადგენლები აკვირდებოდნენ. პროექტის ფარგლებში სულ 18 ქუჩის კეთილმოწყობაა დაგეგმილი, რომელიც სექტემბრის ბოლოს დასრულდება და ჯამში 12 კილომეტრი ასფალტის საფარი დაიგება. პროექტი რეგიონალური განვითარების ფონდიდან 2 მილიონამდე ლარით დაფინანსდა და სამუშაოებს ელექტრონულ ტენდერში გამარჯვებულები შპს. „არქეოპოლისი“ და შპს. “ინდიგო“ ახორციელებენ. „შიდა საუბნო გზების მოწესრიგება ერთ-ერთი იმ პრიორიტეტთაგანია, რომლის მოგვარებასაც ეტაპობრივად ვახორციელებთ. წელს, სულ 18 ქუჩაზე მოწესრიგდება გზის საფარი, რომლითაც ასობით მოქალაქე ისარგებლებს. პროცესი შეფერხებების გარეშე მიმდინარეობს და სექტერმბრის ბოლოს დასრულდება“ – განაცხადა საკრებულოს თავმჯდომარემ ვალერი ბახტაძემ.
0