ქვემო ქართლში სახელმწიფო რწმუნებულმა შოთა რეხვიაშვილმა, მოადგილესთან და გარდაბნის მუნიციპალიტეტის მერთან ერთად, საერთაშორისო სამეცნიერო ოლიმპიადის, „ჯენიუსის“ გამარჯვებულს, უმასპინძლა. მხარისა და მუნიციპალიტეტის ხელმძღვანელმა პირებმა, სოფელ გამარჯვებაში მცხოვრებ, შოთა ბერიძეს, ამერიკაში მიღწეული შედეგი პირადად მიულოცეს, წარმატებული გამოგონებისა და სამომავლო გეგმების შესახებ ესაუბრნენ და საჩუქრები გადაცეს. აღსანიშნავია, რომ შოთა ბერიძის მიერ შექმნილმა რობოტმა ნიუ-იორკში, გამართულ ოლიმპიადაზე სადაც 80 ქვეყნის წარმომადგენელი მონაწილეობდა პირველი ადგილი მოიპოვა. პატარა გამომგონებელი კომაროვის სკოლა-პანსიონის VII კლასის მოსწავლეა, კომაროვში ჩარიცხვამდე ის გარდაბნის მუნიციპალიტეტის სოფელ გამარჯვების სკოლაში სწავლობდა. ამერიკის შემდეგ, შოთა ბერიძე, 2020 წელს საერთაშორისო კონკურსზე გერმანიაშიც მიიღებს მონაწილეობას. ოლიმპიადაზე გამგზავრების ხარჯებს კი მთლიანად გარდაბნის მუნიციპალიტეტის მერია დაფარავს.
0