“შილდის განვითარების ფონდი“-ს ახალგაზრდულმა ფრთამ, ღვთისმშობლის სახელობის ეკლესიის მიმდებარე ტერიტორიაზე სკვერის მშენებლობის პარალელურად, სოფლის კულტურის სახლის ეზოში დასუფთავებისა და შემოღობვის სამუშაოები დაიწყო. ამავე დროს დაწყებულია ფეხბურთის, ფრენბურთისა და კალათბურთის მოედნების გაწმენდა-შემოღობვის სამუშაოები.
მოგეხსენებათ, მიმდინარე წელს, სოფლის ხელშეწყობის პროგრამის ფარგლებში გამოყოფილი თანხებით, სოფელ შილდის მოსახლეობამ , კულტურის სახლის რეაბილიტაცია პრიორიტეტად დაასახელა, რომლის სარეაბილიატაციო სამუშაოები სულ მალე დაიწყება. ამ სამუშაოებს წინ უძღვის აღნიშნული პროცესი, რომელსაც ადგილობრივი მოსახლეობა საკუთარი ძალებით, სრულიად უსასყიდლოდ და პირადი შემოწირულობებით ახორციელებს.
რეაბილიტაციის შემდეგ, კულტურის სახლში
განათლების, ხელოვნების და სპორტის (ფეხბურთის, ფრენბურთის, კალათბურთის, მაგიდის ჩოგბურთის, ჭადრაკის, მკლავჭიდის) კლუბები ამოქმედდება.
0