მარნეულის მუნიციპალიტეტის სოფელ ქვემო სარალში სასმელი წყლის ჭაბურღილის და რეზერვუარების მოწყობის სამუშაოები დასრულდა, რომელიც სოფლის მოსახლეობას საკმარისი წყლის რაოდენობის მიწოდებით უზრუნველყოფს. აღსანიშნავია, რომ სოფელში აქამდე არ არსებობდა სასმელი წყლის ჭაბურღილი და შესაბამისად რეზერვუარებიც. პროექტის ფარგლებში 15 ადამიანი დასაქმდა, აქედან 8 ადგილობრივია. ინფრასტრუქტურული პროექტი 2016 წლის 1 სექტემბერს დაიწყო და მიმდინარე წლის 10 ნოემბერს დასრულდა. პროექტისთვის მარნეულის მუნიციპალიტეტის ადგილობრივი ბიუჯეტიდან 113 058 ლარი გამოიყო.
0