გიორგი დოხტურიშვილი რუსთავის მერთან, ნინო ლაცაბიძესთან და საქართველოს რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილთან ერთად, სომხეთის რესპუბლიკის ტერიტორიული ადმინისტრაციისა და ინფრასტრუქტურის მინისტრს, გნელ სანოს, სომხეთის რესპუბლიკის ელჩს საქართველოში აშოტ სმბატიანს და სომხეთის დელეგაციის წევრებს ოფიციალური ვიზიტის ფარგლებში შეხვდა. რუსთავის მერმა, ნინო ლაცაბიძემ და სომხეთის რესპუბლიკის ტავუშის პროვინციის იჯევანის თემის ხელმძღვანელმა, არტურ ჩაღარიანმა დამეგობრების შესახებ მემორანდუმს ხელი მოაწერეს.
“მივესალმები ორ რეგიონს შორის სამომავლო, მეგობრული ურთიერთობების გამყარებას. ჩვენი მიზანია, ვითანამშრომლოთ ქალაქების ურბანული განვითარების, ინვესტიციების, კულტურისა და ტურიზმის სფეროების მიმართულებით, ერთმანეთს გავუზიაროთ ის ცოდნა და გამოცდილება რაც მუნიციპალური მართვის კუთხით დაგვიგროვდა. ვფიქრობ, აღნიშნული მემორანდუმი არსებულ ურთიერთობებს და თანამეგობრობას კიდევ უფრო გააღრმავებს, სამომავლოდ კი ხელს შეუწყობს ქალაქებს შორის ნაყოფიერ თანამშრომლობას“ – გიორგი დოხტურიშვილი.
მემორანდუმი, სამომავლოდ მეგობრული ურთიერთობების გამყარებასა და ორ ქალაქს შორის მუნიციპალური მართვის კუთხით არსებული გამოცდილების გაზიარებას ისახავს მიზნად ასევე, ქალაქების ურბანული განვითარების, კულტურის, ტურიზმის, ინვესტიციების და მყარი ნარჩენების მართვის სფეროებში უთიერთთანამშრომლობას ითვალისწინებს. შეხვედრას, ქვემო ქართლში სახელმწიფო რწმუნებულთან, გიორგი დოხტურიშვილთან და ქალაქის მერთან ერთად, საქართველოს რეგიონული განვითარებისა და ინფრასტრუქტურის მინისტრის მოადგილე, ილია ბეგიაშვილი, რუსთავის მერის პირველი მოადგილე, კახა გურული, სომხეთის რესპუბლიკის ელჩი საქართველოში აშოტ სმბატიანი, კონსული ლევონ ზარგარიანი, სომხეთის რესპუბლიკის ტერიტორიული ადმინისტრაციისა და ინფრასტრუქტურის მინისტრის მოადგილე ქრისტინე გალეჩიანი და დელეგაციის სხვა წარმომადგენლები ესწრებოდნენ.
0