დღეს, საავტომობილო გზების დეპარტამენტის თავმჯდომარე ირაკლი ქარსელაძე, გზების სპეციალისტებით, საინჟინრო პერსონალით და ადგილობრივი თვითმმართველობის წარმომადგენლებით დაკომპლექტებულ ჯგუფთან ერთად სოფელ ჭიორაში ადგილზე გაეცნო ვითარებას. მოსახლეობას გადაეცა ყოველდღიური საჭიროებები – წამალი, სურსათი, საწვავი. ამ დროისათვის, დროებითი შემოვლითი გზების საშუალებით, შვიდ სოფელთან უკვე აღდგენილია საავტომობილო კავშირი. უკვე 11 სოფელს მიეწოდება ელექტროენერგია. სოფლების ნაწილთან კავშირი ხორციელდება დროებითი შემოვლითი გზების მეშვეობით. 2 სოფელთან – ჯინჭვისთან და გონასთან გუშინ მოხერხდა მიმოსვლის აღდგენა საავტომობილო ხიდთან დროებითი გადასასვლელის მეშვეობით.
ონის რაიონში სამუშაოები მიმდინარეობს მდინარის კალაპოტში დასაბრუნებლად და ეწყობა დროებითი გადასასვლელები, იმისათვის, რომ საავტომობილო მოძრაობა გახდეს შესაძლებელი. დროებითი გადასასვლელებით აღდგენილია 118-ე და 127-ე კმ-ზე ჩაწყვეტილი მონაკვეთები, რომლის საშუალებითაც სპეციალური ტექნიკის ასვლა გახდა შესაძლებელი 128-ე კმ-ზე მდებარე ერთ-ერთ რთულ ჩაშლილ მონაკვეთთან. 128-ე კმ-ზე გზის აღდგენის სამუშაოები უკვე მიმდინარეობს. ამ მონაკვეთიდან საგლოლოს ხიდამდე სამუშაოები ჩასატარებელია კიდევ 3 ჩაწყვეტილო გზის აღსადგენად, ხოლო საგლოლოს ხიდიდან კიდევ 2 ნონაკვეთზე (ხიდთან მისასვლელი გზის და ღების მიმართულებით) ჩაწყვეტილი გზის აღსადგენად.
საერთო ჯამში, ჩამოშლილი მონააკვეთების სიგრძე დაახლოებით 2 კმ-ია.
უკვე აღდგენილია 11 სოფლის ელექტრომომარაგება და გრძელდება დაზიანებულ უბნებზე მუშაობა. ელექტრო გადამცემი სისტემების საბოლოო გამართვამდე, “ენერგო პრო ჯორჯიას” სპეციალისტები მუშაობენ რამდენიმე სოფლისთვის ელექტროენერგიის გარკვეული პერიოდულობით გენერატორების საშუალებით მიეწოდების უზრუნველსაყოფად.
სტიქიის ზონაში სრულად არის აღდგენილი “მაგთის” კავშირგაბმულობა.
შინაგან საქმეთა სამინიატროს ვერტმფრენებით გრძელდება როგორც გარესამყაროს მოწყვეტილი სოფლებიდან ონში გადმოსვლის მსურველთა გამოყვანა, ისე დარჩენილი მოსახლრობისათვის სურსათისა და სხვა საჭირო ნივთების მიწოდება.
დღეს შესრულებული 9 რეისით სოფლებიდან ონში გადმოყვანილია 80-მდე ადამიანი.
სტიქიის ზონაში აგრძელებენ მუშაობას საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის, გაერთიანებული წყალმომარაგების კომპანიის, „ენერგო პრო ჯორჯიას”, შინაგან საქმეთა სამინისტროს, საგანგებო სიტუაციების მართვის სამსახურის და ადგილობრივი
0