რაჭაში რთველი წარმატებით მიმდინარეობს

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე, მაჟორიტარ დეპუტატთან გოჩა ენუქიძესთან, ღვინის ეროვნული სააგენტოს თავმჯდომარესთან ლევან მეხუზლასთან და რთველის საკოორდინაციო შტაბის წევრებთან ერთად, ქ. ამბროლაურში ყურძნის მიმღებ ერთ-ერთ პუნქტზე არსებულ ვითარებას ადგილზე გაეცნო. აღსანიშნავია, რომ რთველის ორგანიზებულად ჩატარების მიზნით, ქალაქ ამბროლაურში, რთველის საკოორდინაციო შტაბი ფუნქციონირებს. შტაბში, ამ ეტაპზე, 30-მდე კომპანიაა დარეგისტრირებული, რომლებიც რაჭა-ლეჩხუმის რეგიონში რთველში ერთვებიან. ყურძნის მიმღები პუნქტები 17 ლოკაციაზეა გახსნილი, რაც მოსავლის შეუფერხებელი დაბინავების შესაძლებლობას იძლევა. რაჭა-ლეჩხუმის რეგიონში მოწეული ყურძნის ჩაბარება ღვინის ეროვნული სააგენტოს მიერ გაცემული მევენახეობის კადასტრის ამონაწერის საფუძველზე ხორციელდება.
ამ ეტაპზე, ამბროლაურის მუნიციპალიტეტში საკადასტრო ამონაწერი 1700-მდე მევენახეს აქვს აღებული. 12 ოქტომბრის მონაცემებით, რაჭის რეგიონში 1000 ტონამდე ყურძენი უკვე დაბინავებულია.