რეგიონული განვითარებისა და ინფრასტრუქტურის მინისტრი ნოდარ ჯავახიშვილი, პირველ მოადგილესთან ილია დარჩიაშვილთან ერთად პანკისის ხეობაში იმყოფებოდა. მინისტრი სოფელ დუისის მოსახლეობას შეხვდა და ხეობაში არსებულ პრობლემებს გაეცნო. ადგილობრივების თქმით, პანკისის ხეობის ერთ-ერთი ყველაზე სასწრაფოდ მოსაგვარებელი საკითხი ალაზნის ხეობის ნაპირგამაგრება და სანიაღვრეების მოწესრიგებაა. ნოდარ ჯავახიშვილმა ადგილობრივებთან საუბრისას აღნიშნა, რომ პრემიერ-მინისტრის გადაწყვეტილებითა და დავალებით, პანკისში არსებული პრობლემების შესწავლის და მოგვარების მიზნით, სპეციალური სამუშაო ჯგუფი შეიქმნება, რომელიც არსებულ პრობლემებს ადგილზე შეისწავლის
0