ხაშურის მუნიციპალიტეტში შემავალი სოფელების ოსიაურისა და ხცისის საჯარო სკოლებში სარეაბილიტაციო სამუშაოები მიმდინარეობს. ამ ეტაპზე ეწყობა სველი წერტილები. აღნიშნულ სკოლებში იმყოფებოდნენ და მიმდინარე სამუშაოებს ეცნობოდნენ ხაშურის მუნიციპალიტეტის მერი გიორგი გურასპაშვილი და მერის მოადგილე ზურაბ როსებაშვილი. მათი განმარტებით, სკოლებში მიმდინარე ინფრასტრუქტურული სამუშაოები მნიშვნელოვნად შეუწყობს ხელს სასწავლო პროცესების უკეთ წარმართვას. ოსიაურისა და ხცისის საჯარო სკოლებში სარეაბილიტაციო სამუშაოების ჩატარება ჯამში 98 500 ლარს მოიცავს.
0