ორი ოქრო და ერთი ბრინჯაო – ოზურგეთელი მოჭიდავეების წარმატება

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

ოზურგეთის მუნიციპალიტეტის გამგებელი მერაბ ჭანუყვაძე პრიზიორ მოჭიდავეებს შეხვდა. თბილისში გამართულ ვლადიმერ მაისურაძის სახელობის ტურნირზე ბერძნულ-რომაულ ჭიდაობაში, სოფელ ლიხაურის საჭიდაო სკოლას 7 ოზურგეთელი სპორტსმენი წარმოადგენდა.
ორი ოქრო და ერთი ბრინჯაო – ამ შედეგით ახალგაზრდა მოჭიდავეები ოზურგეთს დაუბრუნდნენ.
100 კილოგრამიან წონით კატეგორიაში ოქროს მედალი საბა ცეცხლაძეს, 55 კილოგრამიან წონით კატეგორიაში – ირაკლი ძიმისტარიშვილს, ხოლო ბრინჯაო ლუკა ზაქარიაძეს შეხვდა.
მუნიციპალიტეტის გამგებელმა სპორტსმენებს წარმატება კულტურის, სპორტისა და ტურიზმის განვითარების ცენტრის დირექტორთან ავთანდილ სირბილაშვილთან და მუნიციპალიტეტის გამგეობის სპორტის განვითარების განყოფილების თანამშრომლებთან ერთად მიულოცა.
„ გულწრფელად მიხარია ოზურგეთელი სპორტსმენების ასეთი წარმატება. მადლობას ვუხდი მწვრთნელებს ალექსანდრე ბოლქვაძეს და ბექა ჩოფლიანს. ჩვენ მაქსიმალურად ვეცდებით მათ შესაფერისი სავარჯიშო პირობები შევუქმნათ და ყველა ეტაპზე მზად ვართ მხარი დავუჭიროთ,“ – აღნიშნა გამგებელმა.
ოზურგეთელი მოჭიდავეები საქართველოს პირველობისთვის ემზადებიან.