მინი ფეხბურთში მუნიციპალიტეტის პირველობა იწყება. ტურნირში მონაწილეობას სოფლისა და ქალაქის გუნდები მიიღებენ. თამაშები მიხეილ სალაძის სახელობის სპორტულ – გამაჯანსაღებელ ცენტრში გაიმართება. ჩემპიონატში მონაწილეობის მიღების მსურველებმა განაცხადი მუნიციპალიტეტის განათლების, კულტურის, სპორტისა და ახალგაზრდობის საქმეთა სამსახურში 10 ნოემბრის ჩათვლით უნდა წარადგინონ. ტურნირი ფეხბურთის განვითარებას და პოპულარიზაციას, ცხოვრების ჯანსაღი წესის დამკვიდრებას და ნიჭიერი ფეხბურთელების გამოვლენას ემსახურება. ჩემპიონატი მუნიციპალიტეტის განათლების, კულტურის, სპორტის და ახალგაზრდობის საქმეთა სამსახურის ორგანიზებით იმართება.
0