მესტიის მუნიციპალიტეტის მულახის ტერიტორიულ ერთეულში, შიდასახელწიფოებრივი გზიდან სოფ. ჭოლაშის ხიდიდან სოფ. ჟაბეშამდე ბეტონის გზის საფარის მოწყობის სამუშაოები მიმდინარეობს. მშენებლობა მოიცავს ორ პროექტს და ჯამში ღირებულება შეადგენს 3 787 652 ლარს. პროექტით განსაზღვრული არმირებული ბეტონის საფარი დაიგება 4 კილომეტრზე მეტ მონაკვეთზე. აღნიშნული გზის მშენებლობა სასიცოცხლო მნიშვნელობისაა და დიდ როლს თამაშობს რეგიონის სოციალურ-ეკონომიკური და კულტურული განვითარების თვალსაზრისით. ადგილობრივი მნიშვნელობის გზა, მულახის ადმინისტრაციული ერთეულის სოფლების ჟაბეშის, ცალდაშის, ჩვაბიანის და მაჯვდიერის ერთადერთი დამაკავშირებელი გზაა, მუნიციპალიტეტის ცენტრალურ გზასთან.
0