ხელისუფლების წარმომადგენლები მოსახლეობასთან ღია დიალოგის რეჟიმში შეხვედრებს აგრძელებენ. შეხვედრები ამჯერად მარტვილის მუნიციპალიტეტში, ქალაქის ადმინისტრაციული ერთეულის ნახარებაოს, საელიაოს, ქვაითსა და ცენტრის უბნებში გაიმართა. შეხვედრას სამეგრელო–ზემო სვანეთის სახელმწიფო რწმუნებულის მოადგილე ნინო ვიბლიანი, პარლამენტის წევრი ლევან მგალობლიშვილი, მარტვილის მუნიციპალიტეტის მერი ალექსანდრე გრიგალავა, საკრებულოს თავმჯდომარე ალექსი გაბისონია, და ადგილობრივი ხელისუფლების სხვა წარმომადგენლები ესწრებოდნენ. შეხვედრაზე ადგილობრივებმა მათი საჭიროებების და პრობლემების შესახებ ისაუბრეს და სამთავრობო გუნდის წევრებისგან დასმულ შეკითხვებზე პასუხები მიიღეს. მოისმინეს ინფორმაცია მომავალი წლის ბიუჯეტის მთავარი პრიორიტეტების შესახებ. დღევანდელ შეხვედრებზე გამოკვეთილ პრიორიტეტულ საკითხთა შორისაა: საგზაო ინფრასტრუქტურის მოწყობა, გაზიფიცირება და წყალმომარაგება. მარტვილის მსგავსად შეხვედრები რეგიონის ყველა მუნიციპალიტეტში მიმდინარეობს.
0