მაია ცქიტიშვილი სავალუტო ფონდის დელეგაციას შეხვდა

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, მოადგილეებთან ერთად, საერთაშორისო სავალუტო ფონდის (IMF) მისიის ხელმძღვანელს მერსედეს ვერა მარტინს, ფონდის მუდმივ წარმომადგენელს საქართველოში ფრანსუა პეჰშოს და ეკონომისტებს – კლაუს ჰელვიგსა და ნია შარაშიძეს შეხვდა. მინისტრმა სტუმრებს მიაწოდა ინფორმაცია საერთაშორისო მაგისტრალებზე, წყლის სისტემის მოწყობა-მოწესრიგებისა და ქვეყნის სხვადასხვა რეგიონში არსებული და დაგეგმილი პროექტების მიმდინარეობის შესახებ. საერთაშორისო სავალუტო ფონდის დელეგაცია გაეცნო განათლების რეფორმის ფარგლებში ქვეყანაში საგანმანათლებლო ინფრასტრუქტურის მშენებლობა-რეაბილიტაციის მიმართულებით დაგეგმილ და მიმდინარე პროექტებსაც. შეხვედრისას მხარეებმა თანამშრომლობის სხვადასხვა მიმართულება განიხილეს.