კახეთის მხარეში სახელმწიფო რწმუნებულის ადმინისტრაციაში, სამხარეო საკონსულტაციო საბჭოს მორიგი სხდომა გაიმართა. სხდომას ესწრებოდნენ: სახელმწიფო რწმუნებული – ირაკლი ქადაგიშვილი, რწმუნებულის მოადგილეები, ადმინისტრაციის თანამშრომლები, კახეთის რეგიონის მუნიციპალიტეტების მერები, საკრებულოს თავმჯდომარეები და მათი მოადგილეები. სხდომის ფარგლებში, რეგიონული პროექტების კოორდინირების სამსახურის მიერ წარმოდგენილი იქნა პრეზენტაცია მიმდინარე წელს რეგიონებში განსახორციელებელი პროექტების ფონდიდან დასაფინანსებელი დამატებითი საპროექტო წინადადებების შესახებ. პრეზენტაციის წარდგენისას ასევე, აქცენტები გაკეთდა კახეთის რეგიონის მუნიციპალიტეტებში განსახორციელებელ შემდეგ მნიშვნელოვან პროექტებზე: სოფლის მხარდაჭერის პროგრამა, სტიქიის პრევენცია გადაუდებელი სასწრაფო დახმარებისა და ამბულატორიების მშენებლობა/რეაბილიტაცია და სკოლების მცირე ინფრასტრუქტურული სამუშაოების პროექტები.
პრეზენტაციის დასრულების შემდეგ, საკონსულტაციო საბჭოს წევრების მიერ 2019 წელს რეგიონებში განსახორციელებელი პროექტების ფონდიდან მუნიციპალიტეტებში დასაფინანსებელი დამატებითი საპროექტო წინადადებები იქნა მოწონებული.
0