18 მაისს საქართველოში ეროვნული სამოსის დღე აღინიშნება, საქართველოს სხვადასხვა კუთხეში დაგეგმილ ღონისძიებებს ქალაქი თელავიც შეუერთდა და მუნიციპალიტეტის მიმდებარე ტერიტორიიდან ცენტრალურ მოედნამდე ეროვნული სამოსში გამოწყობილმა თელაველმა ახალგაზრდებმა მსვლელობა გაიმართეს. მსვლელობას ქალაქ თელავის მერი პლატონ კალმახელიძე შეუერთდა, ეროვნულ სამოსში გამოწყობილმა ახალგაზრდებმა ქალაქის მერთან ერთად სამახსოვრო ფოტოები გადაიღეს.
ღონისძიებას ესწრებოდნენ საკრებულოს თავმჯდომარე არჩილ თხლაშიძე, მერის მოადგილე ლევან ლილუაშვილი და საკრებულოს თავმჯდომარის მოადგილე გიორგი გიგიაშვილი.
ღონისძიების ორგანიზატორია ქალაქ თელავის მერია და კახეთის ქორეოგრაფიის მოღვაწეთა კავშირი.
0