ზაზა გულიაშვილი მოსახლეობასთან შეხვედრებს „სოფლის მხარდაჭერის პროგრამის“ ფარგლებში მართავს

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

ქარელის მუნიციპალიტეტის მერი ზაზა გულიაშვილი და მერიის შესაბამისი სამსახურების წარმომადგენლები აგრძელებენ მოსახლეობასთან შეხვედრებს „სოფლის მხარდაჭერის პროგრამის“ ფარგლებში. საერთო კრებები გაიმართა მუნიციპალიტეტის შემდეგ სოფლებში: ტახტიძირში, არადეთში, დოღლაურში, საღოლაშენში და წვერში. შეხვედრაზე მოსულ მოსახლეობას თავად ჰქონდა საშუალება, განესაზღვრა თუ რა ტიპის პროექტი უნდა განხორციელებულიყო მათ სოფელში. მოსახლეობის გადაწყვეტილებით, შეირჩა შემდეგი პრიორიტეტული პროექტები. კერძოდ: სოფელ ტახტიძირში – გარე განათება და მოსაცდელის მოწყობა; სოფელ არადეთში- სანიაღვრე არხის მოწყობა; სოფელ დოღლაურში-გარე განათება და სკვერის მოწყობა; სოფელ საღოლაშენში – წყაროების მოწყობა და სასაფლაოს შემოღობვა; სოფელ წვერში – წყაროს რეაბილიტაცია.