ვიწყებთ მზადებას კიდევ ერთი მნიშვნელოვანი ღონისძიებისთვის. მოგეხსენებათ, 2025 წელს საქართველო უმასპინძლებს ზამთრის ოლიმპიურ ფესტივალს, ამის თაობაზე დღეს გვექნება მსჯელობა. ჩვენ 100 მლნ ლარი უნდა გამოვყოთ ბიუჯეტიდან და ფესტივალისთვის დავიწყებთ მზადებას, – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა. მისივე თქმით, აღნიშნულის უზრუნველსაყოფად თბილისსა და ბაკურიანში მოეწყობა შესაბამისი ინფრასტრუქტურა.
„ბაკურიანში მოეწყობა ბიატლონისა და თხილამურებით რბოლის მოედანი. თბილისში აშენდება ყინულის სასახლე და სხვა ახალი ინფრასტრუქტურა დაემატება თბილისსა და ბაკურიანს. წელს 25 მლნ ლარი უკვე არის გამოყოფილი. ჯამში, 100 მლნ ლარი დაგვიჯდება ამ ფესტივალის ორგანიზება,” – განაცხადა პრემიერმა.
0