დინამო არენაზე საქველმოქმედო მატჩი „მსოფლიო ვარსკვლავები საქართველოსთვის“ გაიმართა

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

დინამო არენაზე საქველმოქმედო მატჩი „მსოფლიო ვარსკვლავები საქართველოსთვის“ გაიმართა, სადაც ერთმანეთს მასპინძელი GFF-11 და „მსოფლიოს 11“ დაუპირისპირდნენ.
აღსანიშნავია, რომ მატჩიდან შემოსული მთლიანი თანხა ბორჯომის ტყის დამწვარი ტერიტორიის აღდგენას მოხმარდება.
საფეხბურთო მატჩში მონაწილეობის მისაღებად თბილისს მსოფლიო ფეხბურთის ისეთი ვარსკვლავები ესტუმრნენ, როგორებიც არიან ფრანჩესკო ტოტი, კარლეს პუიოლი, რივალდო, დიდა, ანდრეი შევჩენკო, ხავიერ ძანეტი, ზვონიმირ ბობანი, პაოლო მალდინი, ლუკა ტონი, ერნან კრესპო, ვინსენტ კანდელა და სხვები.
საქველმოქმედო მატჩს საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე პრემიერ-მინისტრ გიორგი კვირიკაშვილთან და მინისტრთა კაბინეტის წევრებთან ერთად დაესწრო.