საგარეო საქმეთა მინისტრის პირველმა მოადგილემ დავით ზალკალიანმა შეხვედრა გამართა საქართველოში ევროკავშირის წარმომადგენლობის ხელმძღვანელთან, ელჩ იანოშ ჰერმანთან.
მხარეებმა ისაუბრეს ევროკავშირსა და საქართველოს შორის საერთაშორისო ორგანიზაციების, კერძოდ გაერო-სა და ეუთო-ს ფარგლებში თანამშრომლობაზე.
შეხვედრისას ყურადღება გამახვილდა საქართველოს მოქალაქეთათვის შენგენის სივრცეში მოკლევადიანი უვიზო რეჟიმის დროულად შემოღების მნიშვნელობაზე.
საუბარი შეეხო საერთაშორისო თანამეგობრობის მხრიდან 8 ოქტომბერს გამართული საქართველოს საპარლამენტო არჩევნების პირველი ტურის პოზიტიურ შეფასებასა და ასევე, მიმდინარე კვირის ბოლოს დაგეგმილი არჩევნების მეორე ტურს.
0