გიორგი კვირიკაშვილი კატარის საგანგებო და სრულუფლებიან ელჩს შეხვდა

Sorry, this entry is only available in Georgian. For the sake of viewer convenience, the content is shown below in the alternative language. You may click the link to switch the active language.

საქართველო-კატარის ორმხრივი ურთიერთობების საკითხები განიხილეს საქართველოს პრემიერ-მინისტრმა გიორგი კვირიკაშვილმა და კატარის საგანგებო და სრულუფლებიან ელჩმა საქართველოში, მუბარაქ ბინ ნასერ მუბარაქ ალ ხალიფამ მთავრობის ადმინისტრაციაში გამართულ შეხვედრაზე.
საუბარი შეეხო თანამშრომლობის პერსპექტივებს. აღინიშნა, რომ უკანასკნელ პერიოდში ორ ქვეყანას შორის მნიშვნელოვნად გააქტიურდა ურთიერთობები სხვადასხვა სფეროში. ყურადღება გამახვილდა საქართველოს საინვესტიციო პოტენციალზე და გამოითქვა იმედი, რომ ამ მიმართულებით კატარული კომპანიების დაინტერესება კიდევ უფრო გაიზრდება.